影片
更多
2010-01-03
11 瀏覽
難得今晚有時間,所以剛剛食完就po番個新鮮熱辣嘅食評,免得遲下唔記得哂唔知點寫...今日經姐姐介紹先知原來銅鑼灣竟然有間大眾化價錢嘅buffet,仲要係本人最鐘意2種菜式嘅buffet,日式+泰式自助餐,相信亦係好多香港人最鐘意嘅口味~!!!首先地點坐落喺Ikea後面一條街,遠離繁囂嘅街道(皇室堡),但係一個好容易搵嘅地方~今日係假期嘅最後一日,可能大家都收拾心情準備返工返學,今晚稍為靜左少少~~不過最啱我,唔駛等位!!!!未食野前先講下環境,地方寬敞,成間餐廳以白色為主,俾客人好舒服嘅感覺,檯同檯之間又唔會太密,無逼夾嘅感覺!!!!Service方面,每個waiter/waitress都好好笑容,經常幫客人收走唔干淨嘅碟同加水服務一流!!!***見到有個女客人喺間餐廳行左幾轉,以為佢運吉,但原來佢要搵位,諸多藉口,我見到都煩,但個waitress仲好好笑容serve佢揀到個好位為止,加分!!!!講番最重要嘅食物,款式俾我想像中嘅多,以為咁嘅價錢一定有限供應,點知又唔係,見佢不停refill,次次出去個個盤都無空過,絕對唔係唔fill野食~!!!首先泰式熱食區:-咖哩蟹一流,同小曼谷D
今日經姐姐介紹先知原來銅鑼灣竟然有間大眾化價錢嘅buffet,仲要係本人最鐘意2種菜式嘅buffet,日式+泰式自助餐,相信亦係好多香港人最鐘意嘅口味~!!!
首先地點坐落喺Ikea後面一條街,遠離繁囂嘅街道(皇室堡),但係一個好容易搵嘅地方~
今日係假期嘅最後一日,可能大家都收拾心情準備返工返學,今晚稍為靜左少少~~不過最啱我,唔駛等位!!!!
未食野前先講下環境,地方寬敞,成間餐廳以白色為主,俾客人好舒服嘅感覺,檯同檯之間又唔會太密,無逼夾嘅感覺!!!!
Service方面,每個waiter/waitress都好好笑容,經常幫客人收走唔干淨嘅碟同加水服務一流!!!***見到有個女客人喺間餐廳行左幾轉,以為佢運吉,但原來佢要搵位,諸多藉口,我見到都煩,但個waitress仲好好笑容serve佢揀到個好位為止,加分!!!!
講番最重要嘅食物,款式俾我想像中嘅多,以為咁嘅價錢一定有限供應,點知又唔係,見佢不停refill,次次出去個個盤都無空過,絕對唔係唔fill野食~!!!
首先泰式熱食區:-
咖哩蟹一流,同小曼谷D泰式咖哩炒蟹有得揮,好夠鑊氣,D蟹都唔迷你size
,有肉食,唔呃秤~!!D咖啡室汁送飯一流,令我忍唔住要多幾碗炒飯~!!!
有一個唔知咩名堂嘅魚塊哩個十分之咁推介,絕無半點覺得包好多粉去炸嘅感覺,酸酸甜甜,好開胃,食得出加左好多香料嘅味,食左好多舊~~!!!
奶油扇貝大大塊扇貝(有相為証),剛剛焗好,熱辣辣,好正,不過覺得"漏"左少少,不宜多吃,否則太伊飽肚食唔到其他野....
黃金蝦類似大排檔個黃金蝦,包住蛋黃去炸個種,好好味,將個殼炸到好脆,連殼食,好有蛋黃香,好正,有大排檔嘅feel~!!!!
泰式小食泰國菜menu中嘅小食應有盡有,春卷蝦丸蔗蝦串燒等等,不能盡錄,10幾20款每樣食一舊都包你飽哂,所以建議揀喜歡嘅食,否則每樣都食的話,個肚唔夠裝其他野~~!
日式刺身區:-
刺身款式唔係話太多,但最大路最多人食嘅都有齊,三文魚甜蝦熟蝦吞拿魚腐皮等等.....我對刺身唔算太熟,我只對三文魚熟就夠了~!!!三文魚非常新鮮,雖然細細舊,但厚切一定唔洩底行多幾轉,拎多幾舊,師傅依然笑面新人,壽司細細舊,絕對唔用大大舊白飯嚟質飽你,後尾發覺仲有手卷,軟殼蟹手卷,本人最愛,由於本人放耐左先食,所以一般,應該唔係餐廳嘅問題.....
甜品區:-
想食到一酒店多塊甜品嘅話相信會失望,因為佢真係只得泰式同日式嘅甜品,哈哈~~無數咁多款味道嘅糕點,唔同顏色,花lee花碌,淨係睇都夠哂靚,可惜本人唔好椰汁類嘅糕點,所以只望無食,但姐姐話椰汁糕好好食,危佢都食左好多舊,的的骰骰,食多幾舊都唔怕啦~~日式代表好似得貌似但味道唔似嘅tiramisu同埋chesse cake, chesse cake好味道,唔知佢真係有師傅整定買人地整好架呢?????
沙律bar:-
沙律區都佔好大area,泰式嘅沙律都有好多款,可惜本人唔好........不能評分~!!
雪糕區:-
咁嘅價錢當然無期望有"哈芹大s"啦,有nestle已經好好,因為有好多隻味,vanilla,mango,red bean,豆腐,sesame,唔知有無數漏呢????!??!!?
哩餐真係好飽.............用一個價錢食2國buffet,好滿足,仲要係銅鑼灣區仲哩個價錢,簡直覺得好抵食~!!!!!
由於姐姐請客,所以確實價錢唔清楚,around 200上下啦~!!!!
張貼
