The Grill Room (The Humphreys)

營業中

休息中

今日去購物有好多戰利品之餘，仲有人請食晚餐，左揀右揀，最後決定食西餐，為咗可以談下心，所以揀選這間樓上店，地點尚算方便易搵，餐廳都幾大幾新淨，店員都穿了制服，感覺好高級。"慢煮三文魚配香草乳酪汁" 成日聽慢煮，終於第一次試，仲係我最愛的三文魚，賣相很精緻，味道都滿意，魚肉口感好滑好滑，加上乳酪汁好特別，本來擔心會太酸，原來又唔會，味道好夾，魚味又不會被遮掩。"香炒新鮮蜆肉配墨汁青檸扁意粉" 依個整得唔錯，蟹籽配蜆唔單調，味道更鮮美，鹹度適中；墨汁唔會過多，每一條都剛好沾滿，唔會食到滿口黑漆漆影響儀容，哈哈...靚好緊要嘛！"扒大蝦沙律配彩色蕃茄黑醋欖油" 食西餐必點，大蝦好鮮甜，好似燒過咁，好香；沙律菜同彩色蕃茄都好新鮮好清爽。