影片
更多
2004-11-08
2 瀏覽
星期日的晚上, 原本想去泉章居, 惜訂唔到位, 後見這裏評語不錯, 又訂到位, 當然唔再唸啦!!一行八人前前後後點左九個菜:湯翅x 4盅: 做特價, 份量夠, 有唔少的小排翅, 干貝, 瘦肉, $28/盅好抵包芥豬軟骨(小食): 有幾件類似西施骨的軟骨(與平時的不同), 另有芥菜及木耳, 賣相有點似咸菜豬肚, 味道咸咸的, 不錯, 軟骨雖有細骨但亦可接受, 但就食完都唸唔到"包"係指....?二宜小炒皇: 有"九"菜, 腰果, 螺肉及蝦乾, 此菜宜送酒.椒鹽海蝦: 一般農家荀乾腩肉: 都係一般, 有好多芽菜, 腩肉不多鮮茄麻婆豆付: 原以為會酸酸辣辣, 點知只有蕃茄味(好彩我好蕃茄), 不過豆付就好滑, 呢味菜小朋友都幾0岩.蝦羔炒什菌: 好惹味, "送"飯一流南乳齋煲: 呢個係後加, 亦係聽到隔離檯話好先點的, 唔油膩, 唔杰, 清清地幾好.鹽焗雞半隻: 幾好, 雞肉唔鞋亦入味好戲在後頭, 飯後有甜品送, 個侍應話可能已剩下不多(0個陣差唔多九點九左右啦), 但都盡量幫我地"畢", 起初唸住都係紅綠頭之類, 都無乜所謂啦, 但原來今晚送"紅棗茶", 同平時的唔同, 唔係只係幾粒紅棗加
一行八人前前後後點左九個菜:
湯翅x 4盅: 做特價, 份量夠, 有唔少的小排翅, 干貝, 瘦肉, $28/盅好抵
包芥豬軟骨(小食): 有幾件類似西施骨的軟骨(與平時的不同), 另有芥菜及木耳, 賣相有點似咸菜豬肚, 味道咸咸的, 不錯, 軟骨雖有細骨但亦可接受, 但就食完都唸唔到"包"係指....?
二宜小炒皇: 有"九"菜, 腰果, 螺肉及蝦乾, 此菜宜送酒.
椒鹽海蝦: 一般
農家荀乾腩肉: 都係一般, 有好多芽菜, 腩肉不多
鮮茄麻婆豆付: 原以為會酸酸辣辣, 點知只有蕃茄味(好彩我好蕃茄), 不過豆付就好滑, 呢味菜小朋友都幾0岩.
蝦羔炒什菌: 好惹味, "送"飯一流
南乳齋煲: 呢個係後加, 亦係聽到隔離檯話好先點的, 唔油膩, 唔杰, 清清地幾好.
鹽焗雞半隻: 幾好, 雞肉唔鞋亦入味
好戲在後頭, 飯後有甜品送, 個侍應話可能已剩下不多(0個陣差唔多九點九左右啦), 但都盡量幫我地"畢", 起初唸住都係紅綠頭之類, 都無乜所謂啦, 但原來今晚送"紅棗茶", 同平時的唔同, 唔係只係幾粒紅棗加水咁簡單, 眼見有眉豆同海帶, 雖唔見紅棗, 但就有好香的紅棗味, 加上甜度剛好, 那時才識後悔沒有預先著他們替找們預留呢!!
服務方面, 每位侍應都很有禮貌, 其中一位經理亦不時替我們跟進上菜的情況, 全都很細心.
裝修亦不錯, 令人坐得舒服, 唯一唔好的就是冷氣凍了一點呢
張貼