秋田和風蟹宴鍋物料理 (已結業)

同女朋友係灣仔食lunch，好多地方都食勻晒，見到朋友介紹話呢間LUNCH最近多左好多野食，二話不說帶佢上去試左,個MENU有好多選擇，真係花多眼亂，唔知食邊樣好,最後我地揀左個叫做松盛合料理SHARE,價錢唔算貴，好合理，呢個SET仲有沙律,蒸蛋，面豉湯同甜品或咖啡茶送，真係抵到爛，好,講番個盛合既野先，裡面有六樣剌身壽司，另外有個煮物，成個餐最好食就係個鰻魚飯同埋個天婦羅，d鰻魚好大舊另外個TEMPURA好脆口，食晒d MAIN之後，有兩件蜜瓜跟埋，可以做飯後果，呢個擺法唔錯，老實講兩舊水價錢，可以食到咁多唔同既野，真係冇乜幾可，同埋d STAFF好有禮貌，有d野唔明問佢地，佢地好有耐性解答比我聽，ANYWAY 呢餐飯我女朋友話係灣仔，食咁多餐以黎，最舒服，最滿足同最開心既一餐，所以我會再帶佢黎食其他野，真係好好食!!!