燉 (英皇道) (已結業)

尋日去咗燉食咖哩牛筋腩飯及雲腿菜乾豬肺湯！ 個咖哩牛筋腩飯真係好有驚喜，炆得d牛筋腩超林超入味，仲要連裏面d薯仔都炆林曬，我仲食到除薯仔之外，無果無試錯味，佢都好似加咗蕃薯一齊炆，令d咖哩增添咗d甜味，送飯一流呀，估唔到燉湯店有炆得咁靚嘅咖哩牛筋腩飯，可惜掛住食無影相，下次一定會再幫襯！ 燉係以燉湯為店嘅主題，點可以唔揀返個燉湯試下呢，於是就揀咗盅雲腿菜乾豬肺湯，好足料，除配料外，仲有3舊豬肺，豬肺真係好好味呀，因為足料煲，所以湯味都好濃，食出唔係味精貨，真材實料！正呀！