大滿屋日本料理 (已結業)

同班舊同事食飯一早就諗好要試大滿屋啦，好在一早就book 定位，唔係就要等位，因為都好多人係度排隊。首先就要叫刺身先，刺身盤放有冰塊可以保持刺身既冰凍，刺身係厚切，三文魚肥美又新鮮，鱆紅魚色澤鮮明及甜蝦大大隻。花之戀，估唔到可以加埋海膽同三文魚籽！大小適中，飯量比我想像中少不過少D飯都唔錯可以食多D其他野，海膽有鮮美，三文魚籽大大粒。三文魚2塊都好大片。三文魚黑松露壽司，估唔到黑松露同三文魚都好夾，食落口都好特別有少少黑松露既鹹味。燒羊架，肉質嫩滑又多汁，燒得剛剛好唔會好乾身。氣水同甜品就可以自己出去拎啦~選擇都好多