日常素食 (已結業)

黃大仙中心現時分南館北館，於北館搵到一間素食店，今天同阿女試下這店的放題，感覺健康有益。沙律區有酸蘿蔔、榨菜、泡菜、醃青瓜、粟米、彩椒及水果等等。好特別見到有魚生及壽司卷，食落似係蒟蒻，感覺幾清新。腐皮卷熱辣辣，餡料豐富，外皮脆口~推介豉油王炒麵，田園炒飯賣相也不錯~素叉燒做得好有特色~椰香芋頭南瓜~羅漢齋及四季豆~菠蘿咕嚕肉、金針雲耳~大豆芽菜~回窩素肉及茄子豆腐~仲有薑醋蛋~五寶素羹有啲似碗仔翅~大量炸物：炸蕃薯、炸矮瓜、芋頭炸魚、錦鹵雲吞及蛋散等等，炸物嘅炸粉比較厚，感覺會比較熱氣。有些包點~熱飲有普洱茶及羅漢果茶，凍飲包括自製烏梅汁蘋果汁。兩款甜品椰汁糕及桂花糕。整體來說，選擇尚算豐富，吃得飽飽，好滿足。