The Luxe Seafood Bar & Resto (已結業)

上網見到$208加一有生蠔食覺得好抵，就BOOK位食晚餐BUFFET服務不錯，雖然地方很細，都唔會覺得好迫冷盤有生蠔、翡翠螺、青口、蝦、沙津、鴨胸等...另外刺身方面只有一種係牡丹蝦，好大隻好甜好新鮮，生蠔唔腥又好甜very good!食左半打~要讚一讚生蠔係由廚師分一人每次兩隻唔係自己夾，我覺得咁樣好好，唔會比人揀晒d靚野，又唔洗掙住夾，唔錯唔錯翡翠螺就有少少沙，所以食左唔多熟食有炒飯、意粉、關東煮、腸仔、燒豬頸肉、蜜糖雞中翼、什菜、咖哩牛肉等...雞翼超好食，食物夠熱同加得好快甜品，種類唔多但都唔錯，芝士蛋糕好味，有栗子蓉撻都好好食食物整體都好食，$208呢個價我唔會要求佢好多野食，淨係食生蠔都值，90分鐘剛剛好下次會再去。