影片
更多
2009-04-20
39 瀏覽
本來想去公司樓下嘅碗屋，但係可能因為係爸爸節，全院滿座，最多只可以比到吧枱位，冇理由帶住兩老去坐吧枱嘅，所以一朝早拿拿淋訂咗幾間日本菜，最後決定去置地Basement呢間賀菊日本料理，又係美心集團。去到，舖位唔顯眼，但係入面啲位同通道都好闊落。餐廳係做傳統日本料理，有齊應有嘅種類，我地食咗啲咩......睇吓就知：1. Sake KIKU - sake, peach schnapps, orange, grenadine. 真係未飲過，溝咗果汁嘅味道幾濃，未試過用Sake做嘅cocktail...就一定要試試。1. 松葉蟹肉粉絲風味沙律 - 落咗好多蟹肉，有一片片忙果肉，底下有好粗嘅粉絲同埋青瓜絲，面頭有紫菜條同埋啲天婦羅嘅脆粉粒，感覺好新鮮，蟹肉真係好鮮甜。2. 上刺身拼盤 - 有六款，每款兩件，總共十二件刺身，紅吞拿冇咩特別，甜蝦就真係好鮮甜，三文魚大大件，脂肪比例同分怖好均衡，帶子真係又大好甜，仲有兩款唔知叫咩名嘅魚，但係就好有魚嘅鮮味.....一流，連媽咪唔大好魚生都讚。3. 炸鮮蟹腳拖羅沙律卷 - 大家入口之後嘅第一個感覺，都係好好味。講真.....真係好好味，連媽媽唔多鍾
餐廳係做傳統日本料理，有齊應有嘅種類，我地食咗啲咩......睇吓就知：
1. Sake KIKU - sake, peach schnapps, orange, grenadine. 真係未飲過，溝咗果汁嘅味道幾濃，未試過用Sake做嘅cocktail...就一定要試試。
1. 松葉蟹肉粉絲風味沙律 - 落咗好多蟹肉，有一片片忙果肉，底下有好粗嘅粉絲同埋青瓜絲，面頭有紫菜條同埋啲天婦羅嘅脆粉粒，感覺好新鮮，蟹肉真係好鮮甜。
2. 上刺身拼盤 - 有六款，每款兩件，總共十二件刺身，紅吞拿冇咩特別，甜蝦就真係好鮮甜，三文魚大大件，脂肪比例同分怖好均衡，帶子真係又大好甜，仲有兩款唔知叫咩名嘅魚，但係就好有魚嘅鮮味.....一流，連媽咪唔大好魚生都讚。
3. 炸鮮蟹腳拖羅沙律卷 - 大家入口之後嘅第一個感覺，都係好好味。講真.....真係好好味，連媽媽唔多鍾意吃卷物，但都讚不絶口。入面有炸蟹腳，佢唔係用炸蝦，感覺冇咁膩，又用上拖羅，而唔係一般嘅吞拿，拖羅嘅味道真係一流，好肥美，好甘，最重要係拖羅隔離仲有沙律，令你唔會覺得好滯。成個卷物最成功之處係有炸嘢亦有生嘢，有肥嘅嘢，亦有酸嘢去中和返，整體感覺好平衡，有創意之餘，又不失傳統風格，真係佩服個廚。
4. 鹽燒三文魚頭 - 雖然冇咩特別，但係魚入面嘅油脂同肉，都係啱啱好，唔會過肥，而師傳亦燒得唔會過濃，係用心之作。
5. 牛仔肉扒陶板燒 - 好特別，我地專登唔叫一般喺街都食到嘅牛肉薄燒或者牛肉金菇呢類，真係不負眾望，舊肉起碼有6-8安士，份量十足，脂坊比例啱啱好，雖然未至予去到和牛嘅級別，但係都真係材料上承，配上燒過嘅洋蔥、大蔥及大蒜。缺點係我地要medium，而佢似乎煮得過熟，起碼去到七至八成，因為已經冇血水了。
6. 銀鱈魚西京燒 - 雖然係普通菜式，但係材料好好，真係好嫰好滑，嗰汁薄薄的，但係好夠味，帶出魚嘅鮮味。
7. 和牛海膽香蒜炒飯 - 雖然海膽對於我屋企人嚟講唔係咁啱胃口，但係個飯炒得好靚，飯粒嘅軟硬適中，而且落足料，睇得出個廚落和牛同海膽絶不手軟，每一啖飯都滿怖和牛同海膽，口感一流。
Comments: 差不多冇咩可以挑剔。真係好豐富嘅一頓晚餐，屋企人完全嘅滿意。環境寬敞，服務態度一流，有機會希望可以試埋其他菜式，下次有機會一定再去。
張貼
