座銀

營業中

休息中

我一直喺社交平台嗰啲拉麵group度都見到好多人推介呢一間拉麵，但無奈地因為好少去港島，所以一直都冇機會試。終於有日要去港島搞啲嘢，所以就去咗試呢一間拉麵。------------------------------呢一間嘅拉麵暫時係我食過咁多間嘅拉麵價位最高嘅一間，所以我對佢嘅期望都幾高。我嗌咗碗雞白湯拉麵。我因為冇留意原來佢唔包糖心蛋，所以冇加到，真係失策。一嚟到碗拉麵好似好細碗咁樣，但係其實隻碗都幾深，所以都唔少。而湯底方面我自己覺得幾濃郁嘅，同埋因為佢湯底杰嘅關係，所以啲面都掛到湯。而佢啲餸，我自己覺得係整得幾好，特別雞肉係軟淋淋，完全唔會鞋。但我食到最後覺得有啲膩，所以我覺得未算係我食過最好食嘅拉麵。------------------------------除非我真係突然間好想食雞白湯拉麵，如果唔係我應該未必會再嚟食。