金莎餐廳小廚

營業中

休息中

呢一間餐廳一直都好多人食，尤其係星期六日，海濱嘅居民都唔想煮嘢食，好多時都會落嚟呢間餐廳食個lunch！ 因為我好鍾意食呢一間餐廳嘅早餐，所以一早就嚟咗食啦！ 而且佢有一個特別嘅優惠就係外賣自取有九折今日就試咗佢嘅奶油豬加蕃茄水晶粉，仲有佢嘅凍檸茶少甜小冰！ 奶油豬好香脆，熱辣辣，好多牛油同埋煉奶！ 最驚喜係蕃茄水晶粉，蕃茄湯底好濃郁，入邊仲配有新鮮薯仔啦，蕃茄啦，所以好飽肚！水晶口感in in銀銀,有別於一般嘅通心粉！好食得推介！ 凍檸茶茶底好濃郁，夠晒茶味！ 成架餐咁多嘢食都只係$34(九折),因為我外賣去個朋友屋企食！