琥酌 (已搬遷) 新店位置

朋友介紹話尖沙咀有間餐廳食吉列牛幾好食，我覺得又幾得意既情況下就黎左試啦。牛吉列盛合吉列豬排就食得多，吉列牛我都係第一次。 個牛吉列盛合仲跟一個好精致既燒爐，將d牛放上去燒10秒左右就食得。燒完之後會見到d肉仲有少少紅色，呢個時間係岩岩好，外面個皮酥脆，但入面肉質仲係好嫩滑。燒舞茸海鮮湯個器皿又係非常精致非常靚，滴兩滴青檸汁， 先夾起壺內既海鮮慢慢食， 再飲一啖湯， 舞茸的香味完全滲入湯內入面，令人回味無窮。炸豆腐呢度d炸野我發覺係一流，一樣外皮超酥脆，而且一d都唔厚粉，入面豆腐係嫩滑到入口即溶，超正。燒多春魚表面燒到金黃色， 魚骨非常煎酥，肉質亦好嫩滑，加上滿肚既魚籽，味道十分鮮美。餐廳坐落都幾闊落幾舒服，而且係會根據食客食野進度出菜，非常貼心。而且吉列牛真係幾特別，我覺得黎試下都無妨。