Sawasdelight (已結業)

係銅鑼灣要食lunch搵位都唔易,今日睇到雜誌介紹於是就訂位來試試。原來餐廳就係喜喜隔呢,呢度既感覺好young,入來都坐得好舒服,而大熱天時都夠冷氣,店員見我流緊看都醒目咁送杯水比我,服務真係唔錯喎!睇左個lunch set menu最平既係88蚊,都唔算貴係梨園呢個闊太區呢講,咁我就要左個青咖哩蝦試下啦。個前菜原來都係蝦喎,有柚子沙律去配,蝦好鮮好嫩又酸又甜既柚子撈來吃,真好味!之後店員拿左個好綠既飲品,唔知咩來既,後來聽佢地講係有機既小麥草汁,甘甘地又甜甜,好飲喎,聽店員講佢地無加化學香料,難怪咁原汁原味啦 。而個主菜青咖哩蝦,,個汁好好味又香但唔太辣,用來撈飯好快就吃完,店員好好,仲肯幫我地添一些汁添!而個蝦肉又真係好爽,以呢個價來講,都值得再來既。