小時光 (已結業)

今日禮拜日同男朋友去觀塘搵嘢食， 一直都知道有間裝修好特別嘅台灣菜，但係上次係附近玩boardgame只可以叫外賣，今次就嚟見下佢嘅真身😅我哋叫咗一個鹵水拼盤，紅燒牛肉麵，肉鬆蛋餅同埋一杯熱嘅黑糖奶茶～個鹵水拼盤超豐富，有豬耳，雞翼，豆乾，海帶， 蘿蔔同埋雞蛋，個鹵水汁偏甜，豬耳超級爽，雞翼入味但係又唔會淋到太爛， 蘿蔔就好淋好入味冇渣👍紅燒牛肉麵伴有腩同筋，店舖話係燉咗兩日淆製而成， 好香牛味，牛筋好淋， 麵條嘅質地同平時食開嘅好唔同，比較實，幾特別肉鬆蛋餅個外觀幾靚， 裏面有肉鬆，芝士，紫菜，幾豐富，肉鬆入口即溶，蛋皮煎得幾薄👍杯黑糖奶茶入口滑，唔會太甜，黑糖味又唔會掩蓋咗茶嘅香味，唔錯👏呢間餐廳嘅裝修就好似返咗去小學中學咁， 都幾特別，值得我呢啲同中小學有段距離嘅人返去回味一下🙈