紅堂 (已結業)

今晚出銅鑼灣，想打個邊爐。見到有間新餐廳就試一試佢。我平時都食得幾辣，就叫左個和牛牛油沙爹鍋，再加個唔辣嘅酸菜白肉鍋。我地兩個人叫左牛舌，有雪花，幾爽口。蝦佬sushi，口感幾特別成隻蝦喺上面好足料 。之後上左個芝士牛肉棋子，上菜嗰時有乾冰煙特效，幾特別。紫菜響鈴係即炸即食，好香口好脆。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左$600以咁高質素嘅食物黎講算係物超所值。所以整體黎講我對今餐嘅評分係9分！