大阪李朝園 (已結業)

識嚟呢度係喺Facebook見有朋友打咭，今次同friend一行兩個女仔試下先！呢日我地9點先嚟所以唔使等位... 章魚小丸子$128首先店員會示範一次燒幾粒我地睇，之後就靠自己啦！個漿算係剛剛好落滿18個洞，而章魚份量有限，不能貪心想一粒加太多~其他蔬菜類配料反而好夠啊如果多d章魚就更加好啦！大概燒5分鐘左右，中間的章魚丸先熟要先反旁邊嘅要等多三四分鐘先熟建議大家一開始一定要加夠油，唔係反唔到啊！係唔係燒得好靚呢！其實我地叫左2次，因為第一次燒得唔好，店員見我地兩個人食2次都嚇左一跳！講返味道，其實正正常常無乜特別，不過係幾好玩！另外我地散叫左沙律同小食，掛住玩無影相。雖然未必會經常嚟食，不過今次係唔錯嘅經驗。