影片
更多
2019-07-17
103 瀏覽
大樹先生我估冇乜媽媽唔識，小朋友開始放暑假出面又熱又落雨，去大樹先生可以玩又可以食，所以一於帶埋細佬一齊去，去到見到原來銅鑼灣分店已經轉左波波嘅顏色，紫色波波池係我最愛，反而我想即刻跳落去。哈哈！未玩之前都係要比小朋友食咗飯先，否則的話一玩起上嚟佢哋就唔使食，叫咗一個兒童餐比倆兄弟share，呢個貓樣嘅飯非常吸引小朋友，入面醬汁係南瓜汁香香甜甜好好味，仲可以揀，魚塊、雞扒或者炸蝦，小朋友鍾意食雞扒，啖啖肉大口大口咁食。另外再叫多咗碟雞翼比小朋友去，一碟雞翼有五隻，哥哥竟然一個人食咗四隻，我幫工人姐姐就叫咗一個黑松露長通粉，意粉好大碟，一上枱已經有好香黑松露味，醬汁香濃，估唔到哥哥都好鍾意食呢個意粉，佢食完自己個飯都仲可以食多一半呢碟意粉，就知道真心好味，好彩叫咗套餐，套餐有沙律同埋餐湯，工人姐姐唔大食所以佢話都夠飽。同工人姐姐一齊嚟就係可以比自己抖下，陪玩工作交俾工人姐姐我淨係負責影相，哈哈！所以我決定比自己食餐好嘅，叫咗個鵝肝牛柳，牛柳估唔到有兩大舊，七成熟剛剛好，牛味濃郁，好耐冇食鵝肝，煎得啱啱好，好香但亦唔會好油。最後真係要讚下呢個水果茶，非常大杯，應該係一大瓶先啱，入面好足料好
未玩之前都係要比小朋友食咗飯先，否則的話一玩起上嚟佢哋就唔使食，叫咗一個兒童餐比倆兄弟share，呢個貓樣嘅飯非常吸引小朋友，入面醬汁係南瓜汁香香甜甜好好味，仲可以揀，魚塊、雞扒或者炸蝦，小朋友鍾意食雞扒，啖啖肉大口大口咁食。
另外再叫多咗碟雞翼比小朋友去，一碟雞翼有五隻，哥哥竟然一個人食咗四隻，
我幫工人姐姐就叫咗一個黑松露長通粉，意粉好大碟，一上枱已經有好香黑松露味，醬汁香濃，估唔到哥哥都好鍾意食呢個意粉，佢食完自己個飯都仲可以食多一半呢碟意粉，就知道真心好味，好彩叫咗套餐，套餐有沙律同埋餐湯，工人姐姐唔大食所以佢話都夠飽。
同工人姐姐一齊嚟就係可以比自己抖下，陪玩工作交俾工人姐姐我淨係負責影相，哈哈！所以我決定比自己食餐好嘅，叫咗個鵝肝牛柳，牛柳估唔到有兩大舊，七成熟剛剛好，牛味濃郁，好耐冇食鵝肝，煎得啱啱好，好香但亦唔會好油。
最後真係要讚下呢個水果茶，非常大杯，應該係一大瓶先啱，入面好足料好多生果，水果茶唔會太甜，小朋友都可以飲，非常好味。
食完就梗係到小朋友嘅主菜，去玩嘅時候啦，見到佢哋玩得咁開心，呢度食物質素亦都係咁多間親子餐廳之中數一數二咁好味，所以話大樹先生非常受小朋友歡迎，長期受媽媽們熱捧唔係無道理架呢！
張貼
