道頓堀御好燒專門店 (康怡廣場) (已結業)

其實之前想試呢間大阪燒好耐了，今日終於的起心肝與友人一試。我地大約6:30去到唔洗等位，不過就限時90分鐘同埋有每位最低消費$100，我地叫左一個廣島燒（$98），燒飯團（$38），芝士年糕（$38）重有雪糕（$15球）。所有食物除左雪糕，其實都係要自己動手，對於平時絕少入廚房，煮野食唔叻嘅我地，煮起上來真係有點失禮，其實係有餐牌教你點燒，煮完晒再加醬汁同木魚絲等，都叫見得下人，味道有醬汁幫手，其實唔會差得去邊嘅。至於飯團，我地可能燒得唔夠燶，好似冇出面餐廳咁好食，芝士年糕我個人覺得太「漏」感覺但友人覺得好味！整體而言，好玩，都好食，不過抽氣就麻麻，餐廳內較油煙，食完會有陣大阪燒味跟住你