鮨芸館 (已結業)

weekend去咗D2商場行下，見到有一間日本餐廳有流水蕎麥面，覺得幾得意就決定食呢間。麵的份量偏少，不過點黎其實最主要都係覺得幾好玩。將蕎麥面放落個流水機d麵就會沿着水流漂，呢個時候就係考驗筷子功力的moment啦🥢！我覺得麵的味道都已經唔係重點，重點係大人細路應該都會玩得好開心。松葉蟹肉蟹膏炒飯炒得唔錯，粒粒分明，飯面鋪滿蟹肉和蟹膏，食落好香。鰻魚厚燒玉子，本身預期會燒得好香好滑，但係食落有啲令人失望，個蛋食落去口感太實而家已經有點凍。牛舌串燒幾好食，唔會燒過龍。但係壽司質素就好一般，唔算太新鮮。