道頓堀御好燒專門店 (朗豪坊) (已結業)

次次經過尖沙咀 K11 都好多人排隊，今日我哋下午茶時間行過朗豪坊分店，見唔係好多人即刻㩒飛。最後等咗15分鐘有位。餐牌有好多選擇，但老公怕難燒所以我哋揀咗兩款唔同嘅御好燒，餐牌入面最無難度嗰個，話怕我唔識燒囉，好明顯我係入得廚房出得廳堂啦。配料送到，我就撈起佢，店員話要打到有空氣感。跟住煎，都幾好玩。當差唔多煎好，老公搶住玩，淋汁加沙律醬嗰d，扮係自己整咁。叫咗牛油粟米，無咩特別只係我鐘意食 xD!第二件，都係我煎，佢玩。味道上嚟講個量差少少，味道都 Okay 嘅，不過就好好玩。鍾意煮飯仔可以嚟試下，最好係所有材料預備好，食完又唔洗自己清理，爽。