泰.夯蝦 (已結業)

現場環境油煙不算大，蝦缸大頭蝦也生猛大隻。值得一讚燒烤爐夠大，size跟人數(去過另1間2人4人都係同size真係把鬼)。當日主力食海鮮，肉只係食咗羊架味道都唔錯。最最最好味係鰻魚，簡直超出預期，但每人得1份。自取海鮮區有蠔有扇貝有大眼雞魚，蔬菜有原條茄子，每枱都有調味料好方便。熟食區選擇唔多但每樣味道都唔錯，仲竟然有灼爽魚皮，好耐冇食過了。仲有仲有，員工收碟收得好勤快，而且想要乜都好快拎比你，見到有枱倒瀉嘢好快有人清理現場，抵讚。可能供應無限或者咁啱遇到全場斯文人，冇搶食情況出現，食得舒適拎得悠閒～～總括係可以回頭嘅。