影片
更多
2018-05-14
447 瀏覽
同疏友聚舊，佢話上次同朋友去尖沙咀等左成年一個號碼都無叫過，結果敗走，佢冀望荃灣呢間無咁多人，6.45pm去到，5號籌，等到7.20pm開始叫號碼，可以睇到餐廳入面，大部分係四人枱，每枱有一個爐，即係無論你一個人定四個人都係獨佔一枱，限時90分鐘，難怪佢上次等成年都無叫過枱號，15分鐘之後可以入座，叫左流心芝士燒，雜錦炒麵同班戟。食物好快就到，唔知點開始好，香港人好怕樣衰，怕做錯step畀員工行過嘲笑，最後睇完教學圖卡要開始啦，整個燒餅需時15分鐘，首先每面5分鐘，最後再反多次等5分鐘，心急嘅重口味疏友未夠鐘就話要先放燒汁，由於我唔好燒汁，燒餅分兩邊唧燒汁，佢幾乎填滿半個圓形，最後佢仲話燒汁唔夠，要唧啲入碗度，我笑佢食燒汁浸燒餅，醬汁唔似出面咁濃味及咸，不過我唔好嗰啲醬汁，半個餅唧幾行我都覺得夠。燒餅同炒麵上枱個陣仲有小茶壺，入面有少過1/3壺嘅透明液體，我地研究過唔係油，因為枱面調味架已經有一樽油係度，最後都係問職員，原來啲水係炒麵用，麵係碗入面定左型，所以炒個陣要加啲水整散個麵，麵嘅材料無調味，所以都要加啲醬汁一齊炒，麵身彈牙，只要你炒得好就好食架啦。最後黎個飽肚班戟，旁邊嘅朱古力
食物好快就到，唔知點開始好，香港人好怕樣衰，怕做錯step畀員工行過嘲笑，最後睇完教學圖卡要開始啦，整個燒餅需時15分鐘，首先每面5分鐘，最後再反多次等5分鐘，心急嘅重口味疏友未夠鐘就話要先放燒汁，由於我唔好燒汁，燒餅分兩邊唧燒汁，佢幾乎填滿半個圓形，最後佢仲話燒汁唔夠，要唧啲入碗度，我笑佢食燒汁浸燒餅，醬汁唔似出面咁濃味及咸，不過我唔好嗰啲醬汁，半個餅唧幾行我都覺得夠。
燒餅同炒麵上枱個陣仲有小茶壺，入面有少過1/3壺嘅透明液體，我地研究過唔係油，因為枱面調味架已經有一樽油係度，最後都係問職員，原來啲水係炒麵用，麵係碗入面定左型，所以炒個陣要加啲水整散個麵，麵嘅材料無調味，所以都要加啲醬汁一齊炒，麵身彈牙，只要你炒得好就好食架啦。
最後黎個飽肚班戟，旁邊嘅朱古力忌廉整得好靚，差啲唔捨得整散，我唔係幾食得出班戟好唔好食，我覺得材料都係嗰啲，不過疏友話同自家整嘅味道係有唔同，any肥，呢個都係疏友話要食嘅野，我無咩評價。
張貼
