道頓堀御好燒專門店 (康怡廣場) (已結業)

好耐無黎食，都唔知而家進化到係放題既玩法。我地玩最平人頭198既版本，其實都幾多款式了，如果每樣都點一次會飽到喊。以下係其中一啲叫左既野，無樣樣影。佢有唔同既冷盤沙律，全部都細細份，可以食下菜呀豆腐呀枝豆呀咁。肉就試哂雞，豬五花同豬頸肉。豬好食，始終肥肉就燒出黎會香口。泡菜豬肉御好燒。細份過平時，可以叫多幾款。我地兩個好似食左五六個。有得玩有得食，係幾開心既！最後要左個奄列蛋包炒麵。蛋既量太少，完全包唔到咁大個麵，笑死。