Ice Puff

營業中

休息中

雞蛋仔係香港嘅地道小食之一，周圍都食得到。至於嘴刁嘅我，小舖又試過有名氣嘅亦都試過，而Ice puff真係值得推介。雞蛋仔款式雖然唔多，但有幾隻味唔係周圍都有。之前試過洋蔥咸牛肉雞蛋仔，但揾5番幅相。如果你喜歡食蛋牛冶的話，你一定會覺得好味，不能解釋更多！呢個係榛子花生雞蛋仔，極力推介！本來我以為就咁榛子花生醬味，點知食到花生粒。又以為係粗花生粒，點知食落係細細粒嘅花生。蛋香味濃，而榛子醬唔會好甜，幼細花生粒好有口感。芝士味雞蛋仔，正！蛋同芝士味都各有千秋，好香！外脆內軟，味道好夾，但對於芝士控嘅我泥講，如果芝士再濃啲就perfect！同店主傾左兩句，發現佢好細心，成日都會諗唔同嘅材料去配搭攪攪新意思。真心喜歡呢種有heart嘅小店。