日熹樓 (已結業)

一直期待已久的「百碟宴」，星期五晚同一大班朋友食完，果真無令人失望喔。我地一行十三人早於一個月前已book枱兼比$1000落訂「百碟宴」。上菜分兩輪，員工首先用左15分鐘上頭66碟，當中有涼菜，熱食，有辣有唔辣（大概一半辣一半唔辣），仲有三款水煮菜（每款兩碟）。大家都用左15分鐘影下相，影完一輪終於起動起筷嚕。除左睇得仲幾好食，當中我就最喜歡肴肉、豬耳、仲有各式各樣嘅甜品！ 水煮菜入面仲有寬粉，煙煙韌韌的。甜品中芝麻卷同高力豆沙好出色。想食百碟宴的謹記提前預約同訂餐，仲要比$1000訂金。價錢參考：百碟宴$4688 + 茶茗($12/位) +10% 10-14位用如人數多過14人，第15位起每位需額外加$300食物或飲品每圍最多可坐17位 , 18位起需分兩圍。