全日點喫茶店 (已結業)

上網見話呢度d大人之兒童餐要訂，果日臨時臨急朝早打黎，好彩晏就都有得食多得老闆肯將就。不過可能因為我太遲book，所以黎到都等左半個鍾先有得食，但係值得既，好過佢整好晒，放到凍晒等你黎食，咁樣起碼新鮮d，同埋有d食物都重係熱既。可愛爆既便當！雖然話係一人份，但飯團壓得非常實，所以兩人吃都夠飽！飯係撈過醋既凍壽司飯，配餸方面有墨魚丸、腸仔、炸蝦、雞翼、玉子、蟹柳。當中既炸蝦同雞翼都重係新鮮滾熱既！食物味道普通，始終都係d普通食材，但服務同賣相都滿分！另外亦有其他款式，宜家重有得外賣。親子餐份量就寫明足2人，材料主要有雞蛋、炸墨魚丸、腸仔、火腿、獅子狗、玉子、西蘭花。大致上都係差唔多啦。超級喜歡中間隻溏心蛋，蛋味香濃流心！一食就知係日本蛋！細心位係要乘托造型既都用硬蕎麥麵，而唔會用牙籤，驚小朋友食會拮到，所以就算見到d好似牙籤既野，都唔洗特登去挑出黎，都係食得既。套餐配果份蕎麥麵超級大份，兩個人都食唔晒！隨附芝麻醬及冷麵汁，但冷麵汁偏淡。