糖蓮子 (已結業)

紅磡真係有好多野食，食完晚飯後，我同朋友就去食甜品😋😋之前去過潤一潤，芝麻綠豆，今次就試吓糖蓮子🍬啦😝可能食既時候仲係好早，所以只有我地兩個🙈有啲驚佢伏，但照入去啦，死就死🤣🤣一入去會見到有個甜品排行榜🍧，可以用黎參考一吓呀。選擇困難症既大家一見到個menu應該會😵，有勁多野揀，有啲個名都幾得意🤣我地叫左兩個甜品share😚🌿金枝玉葉(🍨荔枝雪糕芭菲) $40落單後無幾耐就黎到💕比我幻想中大杯😝有兩球荔枝雪糕，荔枝肉，奇異果肉，柚子肉，涼粉，椰果粒等😋😋 好大杯🤣 外表靚之餘，味道都唔錯，荔枝雪糕好重荔枝味，重到好似有啲假😢但係都係好味嘅🙈🤴🏼豆豆王國 (朱古力窩夫併豆腐雪糕) $40呢個就耐少少先到，可能因為個窩夫係即整😋豆腐雪糕面有一層忌廉，說都味道幾清新，但好易hi 到啲朱古力醬，就會蓋過咗豆腐味😞窩夫微熱少脆，好正🤣夾埋朱古力脆脆地一齊食，好好味！