L'attitude (已結業)

之前做facial行過門口， 棉花糖雪糕放喺門面 造型討好，今日專登同老公拍住拖黎食。 一入去， 主要客戶群都係啲女仔。 原本諗住食物得個樣，應該麻麻地好食，但一試結果令人喜出望外。叫左一碟燒烤雞翼， 燒烤味好濃郁 ，雞翼入曬味， 大大嚿有6隻， 一人三隻唔使爭。餅底好薄，烘焙得啱啱好， 面陣醬汁保持水分， 帶辛辣味，個批底香脆可口。 溫泉蛋卡邦尼意粉， 蛋液加上忌廉汁， 層次口感豐富，只係有啲細碟老公叫做個好靚嘅夢幻色彩嘅特飲， 嚟到嘅時候有發光杯墊， 燈光打上去， 再加上有個發光嘅冰粒 在杯內， 造型100分 味道亦都唔差 唔會太甜，帶有檸檬 清新地道。壓軸出場嘅係呢個黃色雞雞造型嘅雪糕， 價錢同出面食個糖水差唔多，60蚊，堂食要加一， 但如果外賣可以有九折添。搣開棉花糖， 一邊食再一邊將雞雞眼耳口鼻齊返去，食完面層棉花糖後，見到大大杯扭紋雪糕，牛乳，朱古力味混合。 雪糕口感幼滑， 唔會過甜兩個人食完埋單都係400蚊，係位置便利的尖沙咀嚟講算係相當唔錯選擇。