Selfie Cafe (已結業)

男朋友上網半價訂咗二人餐，$300 - 包2碗餐湯，一個頭盤，一個主菜，2杯印相photo print咖啡。去到見到餐牌寫原價五百幾。如果正價食，就真係好唔抵，因為食物完全係茶餐廳質素，咖啡亦麻麻哋，只係夠 gimmick。餐湯 - 忌廉湯 - 茶餐廳質素頭盤 - 三文魚拼露筍 - 普通主菜 - 一大塊，主部份係肉，副部份全部係肥膏。要求5成熟，應該六成半度啦，唔難食，但真係茶餐廳幾十蚊質素，如果要俾幾百蚊食，真係嬲爆。Photo print 印相咖啡 - 真係好靚，相質好好，個面膠膠哋，用飲管拮落去，相印穿咗個洞，但唔會走樣。一路飲，個邊一落痴住邊留印，個樣仲kepp到。真係好得意。不過味道真係一般。我杯係mocha，味道還可以，男友嗰杯榛子咖啡，真係甜到飲唔晒。一定要係凍飲，我估可能熱飲會溶，凍飲就hold到。