夏雪 (已結業)

很久以前曾光顧西環總店，記得印象不錯，但礙於太遠，所以以後未有再到訪。沒想到夏雪竟在大圍開分店，十分驚喜。今晚終於有機會去一食，一入去坐低，俾個餐牌嚇咗一跳，因為款式比印象中少，價錢更加係嚇親，一個窩夫最平都差唔多九十蚊，呢啲價錢係新界真係貴，搞到我有一刻想走，不過俾個機會佢，睇吓係咪真係值啦。叫咗個紫薯窩夫心太軟，首先賣相好靚，有兩粒紫薯仔，聲稱日本貨，又真係幾好食！跟住食個主菜心太軟，入面真係有好多紫薯流出來，貨真價實，好好食！然後再食個窩夫，軟硬適中，外脆內軟，正！最後再有個豆腐雪糕，好清新，同個心太軟來個冰火相融，夾到痺！總的來說質素真係高，不過價錢真係太貴喇，始終大圍都係做街坊生意，你咁貴邊有可能成日食，我雖然覺得好食都暫時唔會再幫襯住，或者等朋友唻先會再唻食，所以真係正如其名，夏天落雪，好矛盾！