L'Eclair de Genie (已結業)

今日有人買咗Eclair嚟探我！其實之前一直都未食過法式泡芙，同時我對泡芙都無特別喜愛，原因一嚟講起泡芙都會諗起日式先，而且覺得法式泡芙始終都係適合下午茶食（但邊有咁得閒又咁神心會用下午茶sad）佢唔似糖水咁定性咗喺晚飯後食，又唔會好似蛋糕咁大眾，所以佢比我嘅感覺介乎可有可無中間。不過今日一試L'Eclair de Genie嘅泡芙又幾令我驚喜！一盒四隻Mini Eclairs口味分別係 Blackcurrant, Salted Caramel, Vanilla Pecan & Raspberry。每一條嘅fillings都做得好飽滿，毫不吝嗇地注滿每一吋空間，絕無偷工減料，而且好creamy唔油膩。味道亦都做到好真實，以Raspberry為例，佢真係做到紅桑子酸酸甜甜，又好juicy嘅味道，唔係人造色素添加劑嘅味道，即使配合filling都唔會一味死甜，係有層次嘅口感。我亦都好想推介大家試Salted Caramel，鍾意食拖肥糖嘅人一定好鍾意食呢款！焦糖味好rich，海鹽嘅味道更加帶出個種香甜。總括L'Eclair de Genie真係做到佢強調嘅「新鮮製造」「幼滑忌廉」「玩味設計