影片
更多
2005-06-27
11 瀏覽
因為想慶祝父親節﹐但又唔想出去酒樓食﹐又比人趕埋單﹐招呼又唔好﹐所以今年其實一早就決定去食私房菜﹗於是係open rice 呢個網站度search, 結果search 到呢間餐廳...見到好多好既評語﹗所以就決定去呢度試一試﹗於是就email去訂位喇。因為第一次去﹐所以係電郵度不停有好多問題﹐主人阿Sue 每一次都好細心o甘解答。但後黎﹐因為要改期﹐結果改左擒晚先去食﹗一去到﹐見到好簡單﹐但好有心思既佈置﹗比人一種好舒服既感覺﹗熱情既主人們就立刻安排我地就座。一望檯面﹐就見到一張Happy Father's Day 既卡﹗有點surprise 呢位主人既心思呢(雖然我地擒日先去食﹐但阿Sue 都仲記得我講過係想慶祝父親節的)。其實之前已經選好左menu, 阿Sue 提供左一個$320同一個$250既menu 我地﹐因為我地有7個人﹐結果2個menu 上既野食﹐擒日我地都有機會食到﹗女人的心( 南瓜蕃茄冷熱湯) - 聽講係阿Sue 精心炮製既。首先品嘗左中間凍既湯﹐好有蕃茄味﹐而且一D都唔酸﹐冷冷地﹐好特別﹗之後再食熱既南瓜湯﹐好甜好有南瓜既鮮味。最後將兩樣溝埋黎飲﹐又係另一番味道﹗呢個
一去到﹐見到好簡單﹐但好有心思既佈置﹗比人一種好舒服既感覺﹗熱情既主人們就立刻安排我地就座。一望檯面﹐就見到一張Happy Father's Day 既卡﹗有點surprise 呢位主人既心思呢(雖然我地擒日先去食﹐但阿Sue 都仲記得我講過係想慶祝父親節的)。其實之前已經選好左menu, 阿Sue 提供左一個$320同一個$250既menu 我地﹐因為我地有7個人﹐結果2個menu 上既野食﹐擒日我地都有機會食到﹗
女人的心( 南瓜蕃茄冷熱湯) - 聽講係阿Sue 精心炮製既。首先品嘗左中間凍既湯﹐好有蕃茄味﹐而且一D都唔酸﹐冷冷地﹐好特別﹗之後再食熱既南瓜湯﹐好甜好有南瓜既鮮味。最後將兩樣溝埋黎飲﹐又係另一番味道﹗呢個湯令我覺得好surprise呢﹗
香煎鵝肝配魚子醬- 呢個其實係我最期待既﹐我未試過﹐所以其實唔知應該點先叫整得好味。但D鵝肝入口即溶﹐很特別﹗本來有點漏既感覺…但原來配菜既一D生果﹐食完之後﹐個種“漏”既感覺即刻無晒。呢個鵝肝果然食完之後﹐令我印象難忘。
酥皮煙雞卷- 個酥皮好脆呀
意式黑醋墨魚沙律- 呢個沙律最特別係個sauce, 酸酸地﹐令人覺得好開胃。
凍海鮮盆配香草汁二重奏- D海鮮全部都好新鮮﹐好鮮甜。簡單既凍食法﹐但卻食到海鮮既新鮮味道﹐證明佢地用料無馬虎﹐一分錢一分貨﹗
香醬焗青口- 其實凍海鮮盆都有青口﹐但我比較喜歡呢個青口﹐因為個醬整得好好~
脆皮鴨配紅酒汁/香草燴羊膝- 呢2個較為普通﹐希望可以再改進點
皇廷醬燒鴨( 中) –main course 之中我既家人最鐘意食呢個﹐因為隻鴨好滑﹐又入晒味﹗
田螺燴尖通粉/野菌燴意大利飯- 雖然只係普通既通粉﹐但個sauce 又係整得好好味﹗而意大利飯都係第一次食﹐但覺得好特別﹗
甜品:火焰雪山- 呢個真係好好好正﹗個雪糕真係好好味﹗加上ram 酒既味道﹐無得彈﹗
由於家人買左飛睇戲﹐主人們知道我地趕時間﹐就立刻安排儘快上晒我地D菜。多謝晒呢。其實食私房菜通常都會食得比較長時間的﹐但可能有D新客人唔清楚的。我既建議係﹐當客人訂檯既時候﹐(尤其係第一次食) 可以先同佢地講大約要幾耐時間上晒D 菜…因為如果唔知既話﹐客人就反而會覺得等好耐都未有得食喇﹗希望你地繼續努力喇﹗一定會再黎試其他野的﹗
張貼