聰嫂星級甜品 (已結業)

平時經過聰嫂都要排隊今次都唔例外。店子小少，入面啲枱櫈仲小，有少少迫。不過，糖水好味，排一陣迫一陣都願意。之前都食過佢地地既椰果冰呀，啫喱呀，甚至榴槤冰都食過，佢地fancy類形既甜品都幾好味。但最得我歡心既係佢地既傳統糖水 - 熱既椰汁芋頭西米露。 味道唔會太甜，椰汁味足夠，唔會話加左好多水而冇乜椰味，芋頭粒好林，唔係好生好硬既芋頭粒，非常軟綿綿，再配上椰汁，好夾，雖然份量唔多，但舖頭位於銅鑼灣，$24蚊都接受到。