King's & Queen's 冰室 (已結業)

放假去咗馬鞍山行山⛰️，行完落山就梗係肚餓啦😅，上網搵吓附近有乜嘢好食，見到呢間，口碑好，離我哋👧🏻🧒🥷唔係好遠，於是就決定行過去開餐🤣$108「西沙小炒王」：材料包括 爽脆嘅蒜心、少少煙靭嘅魷魚鬚、脆脆哋嘅魚乾仔，仲竟然有好多半肥瘦叉燒，炒得非常香口、好味😋$128「豉汁蒸大鱔」：大鱔新鮮肉質鮮甜，加埋蒜頭豆豉一齊蒸，味道更濃郁👍，下邊仲鋪咗一層豆卜，吸收晒大鱔蒜汁，非常惹味🤩$78「蒜蓉炒菜心」：菜心新鮮爽脆，簡單用蒜頭炒已經好味😋$118「薑蔥霸王雞（半隻）」：霸王雞 雞肉肉質嫩滑，幾好雞味，加埋大量薑絲蔥絲喺面，更加香👍$20「香滑奶茶」：真係幾香滑😋