仁芝初

營業中

休息中

戈日同朋友喺旺角食完野，難免會諗到之後有咩節目，其實疫情之下都冇乜選擇架喇。經過通菜街戈邊，戈邊向來有好多好野食，見到有間新開冇耐嘅中式糖水店😳上一次食中式糖水都吾記得系幾耐之前？朋友都話想試試😊店舖名十分有趣，叫「仁芝初」，總令人諗起「性本善」。店舖走簡約路線，位置吾多，簡簡單單有時都幾好。老闆真系MARVEL嘅fans🤣一抬頭就見到成堆MARVEL嘅公仔，仲有形形色色嘅畫。糖水嘅種類吾少，好中意佢地設計嘅圖案，畫得好得意😆吾似平時啲餐牌咁得文字或者食物嘅實物樣，得意得黎睇得出佢地系畫緊乜。雙拼嘅選擇都吾少，都系啲傳統嘅糖水款式，都畫得好精細！仲可以加錢加湯圓、蕃薯、芋圓。杏仁露令我諗起傳統冰室嘅杏霜，杏霜嘅杏仁味都幾出，好似好多人都抗拒杏仁味，我覺得就ok，吾會話太難接受。木瓜燉雪耳喺傳統糖水店都幾經典，系一款好滋潤嘅糖水，雪耳嘅數量好鬼多😱真系夠曬滋補！本身都幾中意食雪耳，中意佢夠爽滑😊木瓜好清甜，好味。最後一款系合桃露，聽人講合桃可以補腦，架吾中都要食吓先得😎合桃系好似平時戈啲中式糖水店咁會有啲苦，但吾會至於話入吾到口，成個糖水都做到好稠身，即系證明都幾足料。