飯廳 (已結業)

好少行荷里活呢個場，過年前同朋友行開呢頭，行到餓，想搵d舒服既地方坐下。見有位又ok舒服咁，入去坐低咗，見到有人唱歌，好似幾有feel咁！我同個friend叫咗個最common既焗肉醬意粉，軟殼蟹鴨胸Caesar salad，蕃茄湯，牛肉薄餅卷。個肉醬意粉普普通通，Caesar salad內既軟殼蟹ok脆。蕃茄湯我好鍾意，因為勁有蕃茄味，好似用蕃茄蓉整咁。牛肉薄餅卷個薄餅唔太厚，牛肉唔乾有肉汁，仲有d雜菜係入面，個味道都ok。本來已經好飽，但見人食火焰雪山就好想食。雖然只係一pat cream，但因好耐冇食過，所以好似好好味。