芽莊越式料理

營業中

休息中

晚飯去左MOKO同幾個朋友食飯，已經好多年冇食過越南菜，今次試下呢間芽莊，香港都好多分店，結果不負眾望，好味。人多就可以叫多幾個餸，春卷大家都話好好味，入味又脆，我自己就最鍾意個炒飯，不過其他人就覺得比較乾身，呢個炒飯好香，炒到乾身，粒粒分明，至於蝦竹蔗，我第一次食，用蝦肉包著個竹蔗，一咬落竹蔗度就好多竹蔗汁，好甜，蝦肉都好好味。至於薄餅，第一次見，薄過一般薄餅好多，不過比較難切，包著的肉有機會散曬，越南風格可能係咁。越式撈檬都好味，而且煮得幾乾淨，我又食得放心，不過朋友話牛肉河的牛肉唔係太新鮮，粉同湯底就還可以，我覺得肉餅都好好味。其實一班FD開心去食野，難食極都有個譜，加上要求唔高，今餐已經超乎水準，除返開每人大約$180左右，可以接受。侍應都幾好人，我地坐左陣都冇趕我地走，又有櫃仔放袋，仲可以免費拎杯冰水(有冰)，我覺得服務水平都唔錯，下次可以再去多次。