生記粥麵 (已結業)

上兩個星期六，同朋友係油麻地行街搵野食，經過呢間鋪，記得有人推介過呢間粥店，雖然係7點未到，出面已排咗成十個人，好彩我地得兩個人，唔係等咗好耐就有位啦！叫咗一碗魚片粥(細)、一碗牛腩牛筋麵同一碟炒米粉。碗粥雖然係叫細嘅，我覺得都唔細，而且有好多魚片，個粥底又啊啱啱好，唔會好稀或"漿"，好耐冇食過咁正嘅粥喇！至於個炒米粉都唔錯，唔會油。至於個牛腩牛筋麵，啲牛腩牛筋都稔(OK啦)。都未食完，就聽見啲伙計話啲魚片賣晒:-)地方就比較迫，不過都可能接受。