Running 燒 (已結業)

我諗都有好幾年冇食過韓燒，近排睇韓劇突然好想食一次😜上網搵到Running燒，見到咁多好評，即刻book枱食😄上到嚟感覺都幾好，坐滿左八成人左右，但係都唔覺得好逼夾。通風系統唔錯，唔會好大油煙。我哋午餐嚟食，真係好抵！人均百幾蚊食足120分鐘。我就最鍾意燒牛肉，叫咗牛舌，美國肥牛等等都正😋有牛味而且油花分佈都幾靚。真係淨係食牛肉都抵，食物選擇真係有好多，花多眼亂，另外韓式炸雞我都有encore！咁耐冇食韓燒，running燒俾咗一個好好嘅印象，以後應該會經常來。