尚上下夏 - 養生雞煲火鍋 (已結業)

今日姪女生日，買翻個雞煲加餸都係唔錯既選擇。去到尖沙咀呢間養生雞煲火鍋店，第一時間梗係揀湯底先啦，我揀左瑤柱群翅雞湯。而雞煲揀左小辣。 而肉類方面叫左羊肉卷，仲有招牌手打四寶丸。係等待既期間，留意店鋪周圍既裝修，店鋪的裝修其實幾有特色，顏色鮮艷，仲有好多卡通貓，好可愛。地方都整潔。 大概等左15分鐘，外賣就黎啦，拎得，走人。翻到屋企準備開餐！打開雞煲，香味撲鼻而來，而且多芫茜，我鐘意。加熱之後可以食啦，雞件較大塊，多肉，冇想象之中甘滑，但味道十分足夠。 而羊肉卷好味，四寶丸就正常發揮。湯底先係精髓，很夠味，足料，家人都很滿意。總而言之，今次外賣雞煲係滿意既~