粵軒

營業中

休息中

自從離開咗灣仔區工作，就好少係呢度食嘢，於是趁父親節嚟食吓。父親節套餐唔係太啱食，所以我哋就散叫小菜，包括「翡翠如意班球」，「粵軒帝皇骨」，「黑皮雞樅和牛粒」，同埋「冬瓜荷葉煲鸭」。起初以為「粵軒帝皇骨」係有D似「蒜香骨」，原來係似「東坡肉」，但帶酸味多D，都開胃嘅。飯後送咗「紅豆沙湯圓」，有幾香嘅果皮味。總括嚟講，食物水準不過不失，冇乜特別驚喜，但係都有水準嘅，加上服務非常好，都令到老人家開心。