大瀛喜日本料理 (已結業)

上菜快又無漏單，比其他放題好好多。刺身種類又多，最主要係新鮮，唔會有腥味。最令我驚喜既係居然有鰻魚食。佢既鰻魚唔會太油。仲有，佢呢到既海膽唔會有一陣臭味，比平時食到既好味好多。平時食放題一定唔會叫壽司，因為怕會好快就飽，但大瀛喜既壽司比一般細舊，完全唔洗怕好快會飽。而炸物，天婦羅，串燒水準都平均。我都好欣賞D一品料理，好適合香口人口味。食飽左就到甜品時間。會再返黎食最主要係因為呢到既甜品比其他多款揀。除左最常見既雀巢雪糕雪條，佢仲有焦糖布丁、cheese cake同馬卡龍！平平地食放題，呢間叫想食嘅野都有。服務方面，比之前好咗，D侍應起碼友善有禮。