麻布茶房 (已結業)

食過沙田與銅記的麻布，稱不上十分好，但也算是"正常"的。上周五到mk行，周圍都無位於是去瓊華碰碰運氣。行左1，2層後見麻布唔多人就拿張飛仔等下。等左10幾分鐘，一路都見有好多人出黎但無乜人入去，亦聽唔到有嗌飛，覺得奇怪，明明差3張就到我地。之後聽到接待員問其中1位等緊ge客: "你地係咪有飛ga？"，之後就帶左佢地入去。無晒人等，得返我，都未有嗌飛，心想難道佢係唔會嗌飛的？於是拿著飛上前，那接待哥哥就問我幾多號飛，之後就帶我入去......即係拿飛但不會嗌飛，要食客主動先有得入，前所未見!! 入到去起碼有3張台係吉左，有d未執台，全場只見1位侍應(盡管她已很勤力)。有個黑衫的經理哥哥唔知去左邊，得o個個侍應做野，擺明係唔夠人手。order左個芝士雞扒咖哩飯，來到賣相不錯，但.....非常少汁，飯硬，聲稱會夾在雞扒內的芝士已在上碟前預先流到飯底，即係未裝飯芝士已流......雞扒味道唔錯，但因為cheese流走左所以入面只得少量cheese，炸粉亦太厚......如果這是茶記的吉列雞扒飯，我會話幾好，但如果係$71.8未計加一的，就完全不行!