燒肉LIKE (信德中心)

營業中

休息中

燒肉Like呢間，啱啱開到來香港已經有食，因為如果約唔到人，又想食燒肉，佢係獨食嘅最佳選擇，呢間過江龍，真係好好。佢有6款燒肉醬揀，日韓風味都有得揀，咁應該點樣揀自己鍾意嘅味道呢？我自己就攞支匙羹，逐支醬料吱1滴落去，試到自己鍾意嘅味道。最終都係蒜蓉醬油／辣味噌醬，最啱我口味。今次揀咗牛五花200g套餐，再追加1份雞腿肉100g。牛肉份量超足，以致我覺得100g雞肉好似好少咁。牛五花牛味可以，肥瘦雙間，所以肉質都軟得來有咬口，加埋醬真係好好味。最後追加咗嘅雞腿肉，就有雞皮嘅，烤完都唔會乾爭爭，幾香。呢間對比其他單人燒肉算幾好食，昭重要醬汁好多選擇。