居食屋「和民」 (已結業)

以前中環有和民時, 起碼一個月會去2次, 但結業後都未食過,今晚咁男友放早就出街食飯.講講就去食,去到見到個餐牌都係等男友叫,因為太多都食過(諗住大半年無會有d驚喜),有個春之特撰料理又好似唔係特別吸引,不過都會試,最後商量好決定叫,煮星鰻.海老壽司,鰻魚豆腐鍋,明太子芝士玉子燒,海鮮麻醬冷麵(個汁份量好同個味道好好味)同埋串燒盛合.點知串燒盛合無雞腎,佢話比雞亦,但最終都無要(因為我之前食過個雞亦老d)後補個芝士年糕燒餅(之前食過幾次都好好味)先鰻魚鍋,不過要自己落蛋同等佢滾.跟住個壽司就麻麻,4件個size都唔同,一夾就散,攪到要分開食.唔係幾好,到個豆腐鍋都唔差,豆腐索晒d汁,中間就淡dd.個明太子芝士玉子燒一定要熱食,因為我一食時候,芝士香味隨住d熱氣上升,再食埋佢,d蛋仲好嫩滑,有少少明太子味(張相有好多明太子gar)--好味.個冷麵對於我就無咩驚喜,但我男友就話好好味.不過美中不足就係個燒餅,叫成半個鐘都未有,我咪問佢個燒餅整未,未整就取消,因為我趕時間,點知佢去問經理,過一陣就話同我取消佢,咁即是未整啦!!有d失望