食得好

營業中

休息中

傳統中菜係香港買少見少，要搵到價錢公道又好食嘅更難！難得係天后搵到。當晚同家人食飯， 一行六人，叫左好幾個餸。1）豉油皇頂鴿 $138六隻鴿都好厚肉，個汁調得好好，鹹中帶甜，入哂味!2）大良鮮蝦蒸鮮奶 $128一枱時，見到啲鮮奶一啲皺紋都無，忍唔住即刻試左啖，真係好滑，要嚟送飯一流！3）手剁鹹魚蒸肉餅 $118未放低碟餸，已經勁香鹹魚味，啲豬肉肥肥地，配埋鹹魚，正。4)順德煎釀鯪魚 $168呢個餸真係唔係度度搵得到，將鯪魚起肉起骨，再砌返做魚形炸，好巧功夫！5）豉椒牛米 $108一開始叫以為只係炆米，點知原來係將米粉輕輕炸過，脆身米粉加埋個豉椒汁，吸哂味，好似小食，好耐都無食過啦！