小曼谷泰國美食站

營業中

休息中

呀仔話想睇新📚書, 所以今晚放工後去左樓上書店買書然後到附近晚飯, 揀左呢間評價好好同可以網上訂位既小曼谷泰國美食站。原來Tower 535地庫有幾間餐廳, 當中最受歡迎的是段純貞牛肉麵, 好多人排隊。我地點左泰皇咖喱炒大蜆, 香芒蟹肉炒飯, 泰式蒜茸包同店員推介既椰皇沙冰。泰皇咖喱炒大蜆 - 食親泰國菜必點菜色, 加入左蛋液同椰汁既黃咖喱, 味道香濃順滑, 非常惹味, 最重要就是佢係一款泰國菜少有唔辣既咖喱。上菜既時候真係比佢既SIZE嚇左一跳, 咖喱汁多到好似黎左個咖喱湯咁, 份量多到連我嗰位食咩都要撈汁既老公都食唔曬。不過可惜, 廚師落左不少我唔鍾意既薑絲係個咖喱汁入面, 第一次食咖喱食到咁多薑。泰式蒜茸包 - 推介, 最遲先上枱既蒜茸包, 絕對是即叫即焗, 烤得金黃酥脆, 蒜香味十足, 和泰式咖喱是絕配 。我每食一啖都嘩一聲，真係好好味，老公都話我誇張。香芒蟹肉炒飯 - 唔係好食到蟹肉既味道, 不過芒果非常香甜, 有誠意。椰皇沙冰 - 本來諗住嗌芒果沙冰，最後轉嗌呢個由店員推介話係用新鮮🥥椰子打成既椰皇沙冰，果然無介紹錯，非常清甜足料, 食到椰子肉粒粒。