穴蔵 (已搬遷) 新店位置

今日本身去大喜屋食 . 點知冇得食 . 因為有好多人訂左位 . 連位都冇得等 . 跟住盲無目的就揀左呢間 . 首先唔駛等位 . 即刻入座 . 入到去冇咩人 . 招呼亦幾好唔錯 . 因為待應同我地倒埋豉油 . 我就咁試了豉油 . 豉油經調較過 . 有正宗日本料理風格 . 唔似其他料理店D豉油好咸 . 首先食既係黃瓜小卷 . 黃瓜清甜爽脆 . 跟住食加洲反卷 . 清新好味 . 食完兩樣就知用料新鮮 . 壽司飯唔會太酸 . 唔會搶左飯本身既甜味 . 亦唔會一夾就散 . 跟住食灸燒和牛壽司 . 和牛入口即融 . 跟住食油甘魚壽司 . 甜味十足 . 跟住食蔥吞拿卷 . 京蔥同吞拿比例合恰到好處 . 唔會互相搶左大家既味道 . 同時吞拿新鮮 . 跟住食灸燒三文魚 . 比起其他店既灸燒三文魚黎講 . 它帶點甜鮮 . 同時亦沒有燒得太焦 . 跟住食龍蝦沙律 . 清甜好味 . 龍蝦同沙律醬比例恰到好處 . 唔知沙律醬係唔係自己調製 . 比起其他店黎講 . 它不會太咸同膩 . 雖係今餐係貴同唔飽 . 但係好味 . 唯一唔好既野就係漏單 . 下次出街食做定幾手準備 . 唔洗到時盲無目的