Youniqueed (已結業)

今日經過加連威老道，就黎左呢度食早餐，同埋嘆返杯回魂啡，呢度有格調既黑白設計既裝修，簡潔舒服，坐位唔算多，多數兩坐位，乾淨整潔，最衰之後要返工，如果唔係可以坐耐啲都真係幾chill。食物即叫即整，我叫左Long Black 同All day breakfast，份量都多，新鮮熱辣，食完充滿Energy！Long black☕️-多數餐廳都係提供Americano,呢度有long black,我就揀左，係將特濃咖啡加到熱水之中，係同Americano做法剛好相反，咁樣可以保留咖啡的油脂，味道較Americano濃厚，出來的味道亦稍有不同。All day breakfast-好豐富，有法式多士，紐倫堡腸，煙肉🥓，豬柳漢堡扒，蕃茄🍅，蘑菇炒滑蛋，牛油粟米🌽同沙律菜，仲有隻好可愛既蕃茄小兔子🐰，脆皮腸咬落juicy, 煙肉煎得香脆，個蛋炒得好滑，好似落左牛奶咁。