baby café (已結業)

今日去試下位於屯門市廣場既Baby café, 佢裝修同環境都好舒服。我地叫左杯草莓西柚薄荷葉特飲,同埋叫左客香芒蜜桃雪山厚吐司。杯草莓西柚薄荷葉特飲顏色好靚味道好特別,粉紅色配合唔同顏色既水果,有西柚、蘋果、士多啤梨等,成杯野好有夢幻好靚,望到心情都靚靚。而且,味道仲有好多種層次tim,呢杯野值得一試!而香芒蜜桃雪山厚吐司比到我最大既驚喜,系佢既多士好脆,即使我自己食到d雪糕溶曬,浸住d多士,佢都依然好脆。 而且,每塊多士更搽有蜜糖. 蜜糖既甜可以中和翻芒果既酸甜,再配合甜滑凍冰冰既雪糕,味道甜而清新。